إوعى فى يوم عن بلدك تتغرب
كل الناس بتقولك كده
إوعى فى يوم من خوفك تتهرب
وأحلامك تضيع بالشكل ده
فى كل خطوة النهاية بتقرب
ولحد إمتى هتفضل كده
إوعى تفكر لحسن تتعب حلمك بعيد مدفون
مش من حقك إنك تحلم ليقولوا عليك مجنون
إوعى فى يوم فى إحباطك تسكن
كل الناس مش هتحس بيك
إوعى فى يوم من خوفك تسكت
وكل الناس بتتكلم حواليك
فى كل يوم هتفتح عيونك
هتلاقى حلمك بيلمس إيديك
إوعى تفكر لحسن تتعب حلمك بعيد مدفون
مش من حقك إنك تحلم ليقولوا عليك مجنون
3 comments:
ما شاء الله عليك بالتوفيق
ما أحلى انهم يقولوا عليك مجنون
اوعى في يوم تخاف من الجنون
ده قمة العقل في زماننا ده
انك تبقى أجن من الجنون
برافو عليك
ألف شكر لمرورك يا ملكة
وفعلا الشىء الغريب الايام دى بقى مألوف وطبعا لو قالوا عليك مجنون أوعى تستسلم بالعكس ركز أكتر فى أحلامك عشان لما توصل تثبتلهم إن الجنون هو قمة العقلانية
أه إفتكرت حاجة واحد صاحبى كان بيسالنى فيها النهاردة
كان بيقولى إيه مواصفات فتاة أحلامك؟
أول حاجة قولتهالو إنها لازم تكون مجنونة وعندها حلم معين فى دماغها بتسعى عشان توصله
معلش طولت عليكو
(عادى براحتى مش البلوج بتاعى)
بشكرك تانى يا ملكة على تعليقك
محمد شعبان
Post a Comment