لسا طالع ونازل مش لاقى مرسى
لسا حاسس أحلامى جوايا خرسا
ومنين تعيش والهوا حوالينا مسروق
وغيرك بيتنفسه وماشبعش لسا
والناس تقولك فكر تاخد جوايز
جايز تطلع فلوس وتسيبك من البرايز
وتروح تشتريلنا بيهم شوية هوا
ده احنا فى زمنا عبينا الهوا فى أزايز
ياعنيا
إكدبى عليا وقوليلى ع الضلمة نور
بشوف بس أعمى والجفن لسا مكسور
والضلمة شايلة منى ولسا عايشة فى الدور
والنور لسا مخاصمنى ومش عاوز فى يوم يثور
(ويقول بأعلى صوته (يامين يعدىويكسر السور؟
يامين يعدى ويكسر السور؟
3 comments:
والله انت كتاباتك رائعة
ولك مستقبل باهر ان شاء الله
ويللا شد حيلك واكسر انت السور واحنا معاك
تحياتي
بالنسبالى عشان أنا طويل ممكن أعدى من فوق السور وهو يبقى عدينا والسور سليم برضو لحسن نيجى نكسره يتهد على دماغنا ولا حاجة
شكرا لردك
محمد شعبان
ههههههههه
لا مش هيتهد متخافش
هو احنا اصلا لو عديناه هنموت يبقى لازم يتهد من وله لاخره ;)
الكلام جميل جدا فعلا يامحمد
وبيعبر جدااااااااااا عن اللى احنا فيه ده
Post a Comment